1 ա Յիշիր, ով Տէր, թէ մեզ ինչ եղաւ, եւ տես բ մեր անարգանքը։
2 գ Մեր ժառանգութիւնը անցաւ օտարներին, մեր տները՝ օտարականներին։
3 Որբեր եղանք առանց հօր, մեր մայրերը որբեւայրիների նման են։
4 Մեր ջուրը փողով խմեցինք, մեր փայտը գնով է գալիս։
5 դ Մեր վզին զարկուելով հալածվում ենք, վաստակեցինք ու հանգստութիւն չ’ունինք։
6 ե Եգիպտոսին զ ձեռք մեկնեցինք, Ասորեստանին էլ՝ հացով կշտանալու համար։
7 է Մեր հայրերը մեղք գործեցին, եւ ը չ’կան, իսկ մենք նորանց անօրէնութիւններն ենք կրում։
8 թ Ծառաներ տիրեցին մեզ վերայ, նորանց ձեռքից ազատող չ’կայ։
9 Մեր անձի վտանգովը բերինք մեր հացը, անապատումը եղող սուրի պատճառով։
10 ժ Մեր մորթը փուռի պէս սեւացաւ, սովի տանջանաց պատճառով։
11 ի Կանանցը Սիօնի մէջ բռնադատեցին, կոյսերին՝ Յուդայի քաղաքներումը։
12 Իշխանները կախուեցան իրանց ձեռովը, լ ծերերի երեսը չ’յարգուեցան։
13 խ Երիտասարդները երկանաքարեր վեր առան, եւ տղայքը փայտի տակին ընկան։
14 Ծերերը դադարեցին դռնիցը, երիտասարդները՝ իրանց երգելուցը։
15 Դադարեց մեր սրտի ուրախութիւնը, մեր պարը սուգի փոխուեցաւ։
16 ծ Վայր ընկաւ մեր գլխի թագը, վա՜յ մեզ, որովհետեւ մեղանչել ենք։
17 Սորա համար կ մեր սիրտը նուաղած է, սորանց համար հ խաւարուեցան մեր աչքերը։
18 Սիօն սարի համար, որ աւերակ է, աղուէսներ են ման գալիս նորանում։
19 ձ Դու, ով Տէր, յաւիտեան կաս, ղ քո աթոռը ազգից ազգ է։
20 ճ Ի՞նչու ես մեզ յաւիտեան մոռանում, մեզ ձգում ես երկար օրերով։
21 մ Մեզ դարձրու, ով Տէր, դէպի քեզ, եւ մենք կ’դառնանք. Նորոգիր մեր օրերը առաջուայ պէս։
22 Այլ դու մեզ բոլորովին մերժեցիր, մեզ վերայ շատ բարկացար։
Ողբ Երեմիայի 5